10 個常見問題


【10 個常見問題】

問 : 邊度可以選料、揀色、睇貨版? 答 : IKEA、一般傢俬舖都有好多款俾大家睇, 家具工房只有好細既會客室, 上面無上等咖 啡、無靚客服、無真皮梳化...更加無貢大地方放現成貨版俾大家揀~但客人可以影相俾 我地照住訂造~

問 : 人地有門市, 你地無門市, 我點可以對你地有信心? 答 : 你點知人地門市入面既家具都係佢地自己造,唔會係外面搵人造,再放係店內陳列呢? 再者, 你搵我地, 其中一個原因應該係平, 如果我地開門市, 價錢又會貴返, 你仲會唔會搵 我地先?

問 : 無得揀料? 咁我搵第二間咯 答 : 特首都無得揀, 你會移民咩? 家具工房一般櫃體都係用夾板, 俾你揀, 都係夾板、夾板、 夾板、全部都係夾板, 況且我俾其他料你, 你真係識分? 你搵第二間, 唔駛專登 inbox 我 ga~

問 : 除左夾板, 仲有冇其他料可以揀? 答 : 無! 其實有, 有歐松板、顆粒板、纖維板...可以揀, 不過價錢唔同, 有 D 貴三倍, 有 D

唔安全, 你仲會唔會揀? 最後你都會係揀返夾板, 咁...做乜浪費大家寶貴既時間呢?

問 : 我係朋友介紹黎, 有冇優惠?

答 : 有...都俾你個朋友啦~

問 : 我有兩個朋友, 一個之前搵你地訂造家具, 一個搵其他公司, 點解你地D家具好似無咁大 陣甲醛味既? 係咪經過特別處理? 答 : 首先甲醛係無味的, 除非你有異能, 否則你應該唔會偵測到有冇甲醛! 至於點解我地D家具無咁大陣味, 係因為我地用既係『木紋夾板』,『木紋夾板』本身已 經係內外同色, 唔駛再有膠水貼色板, 客人通常『聞』到既, 就係呢 D 膠水味, 咁我地少 用膠水, 所以咪少D味囉~

問 : 你地乜都無得揀, 咁要會客室黎做乜? 答 : 會客室係出圖後, 顧問約客人上黎傾流程、細節、揀色版用, 由於節省成本, 所以只有顧 問一個招呼已出圖既客人, 無其他時間再應付未度尺既客人啦~🈵

問 : 點解你地咁串 ga? 答 : 香港人放鬆 D 啦~俾 D 幽默感好唔好? 家具工房其中一項入職條件係要識 9 up, 木師傅 D 爛 gag 仲多呀~我對你地已經算收斂左 D ga la

             ~~~完~~~

問 : 又話 10 個常見問題, 點計都係得 8 個?! 又想吞 pop 呀? 答 : 計埋呢條咪 10 個囉, 其實 d 問題重重複複, 重複重複又重複, 都係問呢 D, 記住勿忘初 衷, 點解你地要搵家具工房? 點解你地要搵木師傅呢? 咪又係離不開, 價錢平 D, 安全 D, 信譽好 D, 唔通真係貪木小二靚仔, 木師傅有內涵咩? 所以如果著重招呼好, 門面靚既客 人, 家具工房絕對唔係你地既首選~

問 : 都係得 9 條? 答 : 呢條係第 10 條~

Featured Posts
Recent Posts
Archive
Search By Tags
Follow Us
  • Facebook Basic Square
  • Twitter Basic Square
  • Google+ Basic Square